Мусаобақанинг учинчи кунида яна икки вазн тоифасида янги жаҳон чемпионлари маълум бўлди. Халқаро дзюдо федерацияси президенти Мариус Визер Дубайдаги француз лицейи ўқувчилари билан учрашиб, уларга спортнинг жамиятга қандай таъсири борлиги ҳақида гапириб берди.
Нейтрал индивидуал спортчи сифатида қатнашаётган Тимур Арбузов 81 килограммгача бўлган вазн тоифасида йўлда бир қанча жаҳон тоифасидаги рақибларини, жумладан, ушбу вазнда рейтинг пешқадами Матиас Кассни мағлуб этиб, финалга йўл олди. Амалдаги жаҳон чемпиони грузиялик Тато Григалашвили саралаш босқичида ўз чемпионлик унвонини ҳимоя қилиш учун ундан кам бўлмаган ишонч билан ҳаракат қилди. Жанг сўнгги дақиқаларгача кескин кураш билан ўтди, энг охирида Григалашвили рақибни уранагэ усулини қўллаб енгди ва кетма-кет учинчи жаҳон чемпионлигини қўлга киритди. Спортчиларга медалларни Осиё Олимпия кенгаши вице президенти Отабек Умаров топширди.