Эрондаги портлашдан сўнг нефть нархи кўтарилди
Ливиядаги конда қазиб олиш ишлари ҳам тўхтатилган.
Эрондаги портлашлар ҳақидаги хабарлардан сўнг бенчмарк нефть нархи кескин кўтарила бошлади.
Лондоннинг ICE Futures биржасида Брент маркали нефтнинг март фючерслари нархи 2,39 долларга (3,15 фоизга) ошиб, бир баррель учун 78,28 долларни ташкил қилди.
Нью-Йорк товар биржасида февраль ойидаги WTI нефти фючерслари нархи 2,33 долларга (3,31 фоизга) кўтарилиб, бир баррель учун 72,71 долларни ташкил қилди.
Эслатиб ўтамиз, генерал Қосим Сулаймоний қабри ёнида содир бўлган портлашларда юздан ортиқ одам юздан ортиқ одам ҳалок бўлган, 170 га яқин киши жароҳатланган.
Терговнинг дастлабки натижаларига кўра, иккита қопга солинган портловчи моддалар қабристонда қолдирилган ва масофадан туриб портлатилган.
Эрон разведка хизматлари буни террор ҳужуми деб ҳисобламоқда.
