Эртага “Янги Ўзбекистон” кўчаси ёпилади
Мазкур кўчада халқаро марафон ўтказилиши режалаштирилган.
Эртага, 6 май куни “Янги Ўзбекистон” кўчаси вақтинча ёпилади. Бу ҳақда Тошкент шаҳар ҳокимлиги маълум қилди.
Қайд этилишича, “Янги Ўзбекистон” боғи ва унга туташ ҳудудда “Ситй рун” ҳаваскорлар учун халқаро югуриш мусобақаси бўлиб ўтади. Шу муносабат билан 6 май куни соат 17:30 дан 20:00 га қадар “Янги Ўзбекистон” кўчасининг «Жасорат» кўчаси билан кесишмасидан Чирчиқ дарёси кўпригигача бўлган қисми транспорт воситаларининг ҳаракати учун ёпилади.
“Ҳайдовчилардан ноқулайликлар учун узр сўраймиз ва айланма кўчалардан фойдаланишни тавсия қиламиз”, — дейилади хабарда.
