ЎФА конгрессида Абдусалом Азизов ва Равшан Эрматов қайта сайланди
Бугун Ўзбекистон Миллий Олимпия қўмитасининг мажлислар залида Ўзбекистон футбол ассоциациясининг ҳисобот-сайлов конгресси бўлиб ўтди.
Унда дастлаб Ўзбекистон футбол ассоциацияси бош котиби Аваз Максумов ассоциациянинг сўнгги йиллардаги фаолияти ҳақида ҳисобот берди.
Ҳисобот-сайлов конгресси раиси Ҳабибулла Мирзаханов 45 та аъзо ташкилот ЎФА президенти лавозимига Абдусалом Азизов номзодини илгари сургани, 42 та аъзо ташкилот эса ЎФА биринчи вице-президенти лавозимига Равшан Эрматов номзодини кўрсатганини маълум қилди. Шундан сўнг, уларнинг номзоди овозга қўйилиб, қайта сайланди. Бундан ташқари, конгрессда ЎФА ижроия қўмитаси аъзолигига 9 нафар номзод ҳам тасдиқланди.
Эслатиб ўтамиз, аввалроқ “Сурхон” клубида содир бўлган вақеаларга ЎФА баёнот бергани ҳақида хабар берган эдик.
Жамшидбек Амиров
