Фарғона вилоятида 21 декабрь куни соат 12:30 атрофида иккита Cobalt автомобили иштирокида ҳалокатли йўл-транспорт ҳодисаси содир бўлди. Ҳодиса натижасида йўловчилардан бири жиддий тан жароҳатлари олиб, касалхонага ётқизилган, аммо шифохонада вафот этган.
Вилоят Йўл ҳаракати хавфсизлиги бошқармасининг дастлабки маълумотларига кўра, транспорт воситалари бир йўналишда ҳаракатланаётган вақтда биринчи Cobalt ҳайдовчиси автойўлнинг ўнг четига бурилиш ёки тўхташга ҳаракат қилган, бироқ дарҳол тўсатдан чапга бурилган. Шу сабабли, иккинчи Cobalt билан тўқнашув юзага келган.
Ҳодиса бўйича тергов ҳаракатлари олиб борилмоқда.
Эслатиб ўтамиз, аввалроқ Тошкент шаҳрида Lacetti ва Nexia-3 иштирокидаги авария оқибатида бир киши ҳалок бўлганди.