Фарғона вилоятининг Сўх туманида Telegram мессенжери орқали қўшни аёлга ахлоқ нормаларига зид хабарлар юборган 19 ёшли йигит маъмурий жавобгарликка тортилди. Ҳолат юзасидан суд қарори эълон қилинди. Бу ҳақда "Daryo" хабар бермоқда.
Маълум бўлишича, 2006 йилда туғилган Х.Д. 2025 йил 26 декабрь куни қўшниси А.Х.га Telegram орқали безовта қилувчи, шилқимлик мазмунидаги ёзишмалар юборган. Аёл ушбу хабарлар уни руҳий жиҳатдан безовта қилганини билдирган ва ички ишлар органларига мурожаат қилиб, ёзишмалар скриншотларини тақдим этган.
Жиноят ишлари бўйича Сўх туман суди ишни кўриб чиқиб, Х.Д.ни Маъмурий жавобгарлик тўғрисидаги кодекснинг 41-1-моддаси 1-қисми билан айбдор деб топди. Суд қарорига кўра, унга 5 сутка маъмурий қамоқ жазоси тайинланди.