Гарри Поттер ҳақида янги фильм олиниши мумкин. Warner Bros. Discovery компанияси директори Дэвид Заслав маълумотларига кўра, асар муаллифи Жоан Роулинг ўз розилигини берган тақдирда суратга олиш бошланади.
“Биз Гарри Поттер ҳақида 15 йил фильм олмадик. Бу фильмлар бизга сўнгги 25 йилда катта даромад келтирди”, – деган у.
Заславнинг қўшимча қилишича, янги фильм фақат асар муаллифи рухсат берган тақдирдагина суратга олинади.
Гарри Поттер ҳақидаги романлар 1997-2007 йилларда чоп этилган ва Роулингга катта машҳурлик келтирган. Асар 80 тилда, 500 миллион нусхада сотилган. Кейинчалик китоб асосида фильмлар суратга олинди.