“Google” таржимон кўзойнакларни синовдан ўтказмоқда
Қурилма линзали дисплей, микрофон ва камераларни ўз ичига олади.
“Google” компанияси кенгайтирилган реаллик кўзойнакларини таржимон ва хариталар билан синовдан ўтказишни бошлади, дея хабар бермоқда “Daily Mail” нашри.
Қайд этилишича, ушбу қурилма менюларни таржима қилиш ва “А” нуқтадан “Б нуқтага” ўтиш имконини беради. У фото ва видео суратга олишни қўллаб-қувватламайди, аммо тасвир маълумотлари менюни таржима қилиш ёки энг яқин манзилга йўналиш каби хусусиятларни ёқиш учун ишлатилади.
“Ушбу тадқиқот прототиплари оддий кўзойнакларга ўхшайди. У линзали дисплей, микрофон ва камера каби аудиовизуал сенсорларга эга”, — дея маълумот берган компания.
