Оқдарё туманида "Бухоро — Самарқанд" йўналишида ҳаракатланиб келаётган "Lacetti" ҳайдовчиси йўлда ухлаб қолиши оқибатида ЙТҲ ҳодисаси содир бўлган. Оқибатда 3 киши ҳалок бўлган. Бу ҳақда "Zamon" информацион дастурида хабар қилинди.
Қайд этилишича, М-37 автомобиль йўлининг 44-километрида ҳаракатланиб келаётган "Lacetti" йўлнинг ўнг тарафида тўхтаб турган юк машинасининг орқасига келиб урилган.
Ҳодиса оқибатида "Lacetti" ҳайдовчиси ва икки йўловчи воқеа жойида вафот этган. Бир йўловчи шифохонага ётқизилган.
Ҳозирда ҳолат юзасидан жиноят иши қўзғатилиб, дастлабки тергов ҳаракатлари олиб борилмоқда.