Ижтимоий тармоқларда Навоий вилояти ҳокимлиги биноси олдида юзига ниқоб таққан икки номаълум шахс осмонга қарата қуролдан ўқ узгани акс этган видеолар тарқалди.
Маълум қилинишича, мазкур видео август ойида тасвирга олинган бўлиб, 7 ноябрь куни ижтимоий тармоқларда кенг тарқалган.
Аниқлик киритилишича, Навоий шаҳар ИИБ жиноят-қидирув бўлими ҳамда профилактика инспекторлари томонидан жамоат тартибини бузган шахслар қўлга олинган.
Қўлга олинганларнинг бирини таъкидлашича, уларни ҳеч қандай ёмон мақдсади бўлмаган. Улар ўзлари кўрган видеоларга тақлид қилмоқчи бўлган. Қилган ишлари бундай оқибатларга олиб келишини ўйламаган.
“Маска таққан билан топа олишмайди деб ўйлагандим. Лекин бу бир кунга ҳам бормади. Қилган ишимдан афсусдаман”, — дейди улардан бири.
Қайд этилишича, ашёвий далил сифатида олинган қурол ўйинчоқ экани аниқланган. Ҳозирда мазкур ҳолат юзасидан тергов ҳаракатлари давом этмоқда.