Ҳужжатларда қайд этилмаган қарийб 26 тонна товарлар божхона чегарасида тўхтатиб қолинди
Ҳозирда ҳолат юзасидан божхона органлари томонидан терговга қадар суриштирув ҳаракатлари олиб борилмоқда.
Божхона қўмитасининг Бухоро вилояти божхона бошқармаси ходимлари ҳамда ДХХ Чегара қўшинларининг ўзаро ҳамкорлиги натижасида катта миқдордаги товар моддий бойликларини ноқонуний тарзда олиб ўтишга бўлган уриниш бартараф этилди.
Унда “Олот” чегара божхона постига хорижий йўналишда ҳаракатланиб кириб келган юк автотранспорт воситаси “З-Портал” қурилмаси ёрдамидан сканердан ўтказилганда, товарнинг юк кузатув ҳужжатлари ва рентген тасвирлари ўзаро мос келмаганлиги божхона кўригидан ўтказиш лозимлигини кўрсатди.
Натижада, ҳеч қандай ҳужжатларда қайд этилмаган вазни қарийб 26 тоннага яқин бўлган кир ювиш воситалари борлиги божхона ходимлари томонидан фош этилди.
Ҳозирда умумий қиймати 1 млрд сўмдан ортиқроқ бўлган ушбу ноқонуний товарлар юзасидан қонуний қарор қабул қилингунга қадар вақтинча сақлов чоралари кўрилди.
Ҳолат юзасидан эса, божхона органлари томонидан терговга қадар суриштирув ҳаракатлари олиб борилмоқда.
