"Барселона" ярим ҳимоячиси Илкай Гюндоган профессионал фаолиятида илк бор бир мавсумда 10 дан ортиқ голли узатмани амалга оширди.
Эслатиб ўтамиз, Испания чемпионатининг 24-туридан ўрин олган "Барселона" – "Гранада" учрашувида Илкай Роберт Левандовскига голли узатма берган эди. Учрашув 3:3 ҳисобида дуранг билан якунланди. 33 ёшли германиялик ярим ҳимоячи ўтган ёздан бери "Барса"да тўп сурмоқда.
Гюндоганнинг "Барселона" билан шартномаси 2025 йилнинг ёзига қадар тузилган ва томонлар келишувни яна 12 ойга узайтириши мумкин.