Испанияда қора мушукларни боқиш тақиқланди
Бу Ҳалловеэн арaфасида қабул қилинган вақтинчалик чеклов экани айтилмоқда.
Испаниянинг Каталония минтақасидаги Террасса шаҳрида қора мушукларни боқиш вақтинча тақиқланди. Маҳаллий ҳайвонларни ҳимоя қилиш хизмати бу чорани Halloween байрами олдидан кўпайиб бораётган хавфли ҳолатларга жавобан жорий этган.
Расмийларга кўра, ҳар йили октябрь ойининг охирида қора мушукларни асраб олиш бўйича аризалар кескин ошади. Бироқ, уларнинг барчаси ҳам ҳайвонларга меҳр билан қараш истагидан эмас — айримлар мушукларни ритуал маросимлар, безак ёки байрамона аксессуар сифатида ишлатиш учун олаётгани аниқланган. Шу боис, 1-октябрдан 10-ноябргача вақтинча қора мушукларни асраб олиш тўхтатилди.
Расмий маълумотларга кўра, шаҳар бўйича ҳозирда 10 мингга яқин уйсиз мушук бор, шулардан юзга яқини бошпаналарда сақланади. Айнан шу мушуклар орасида қора рангдагиларнинг улуши юқори бўлгани учун уларни ҳимоя қилиш зарурлиги таъкидланган.
Террасса ҳокимлиги бу тақиқ 10 ноябрда тугашини маълум қилган, шундан сўнг асраб олиш жараёнлари яна қайта тикланади. Шу билан бирга, Halloween даври ҳар йили хавфли бўлиб қолаётганини инобатга олиб, келажакда бу чора доимий анъанавий амалиётга айланиши мумкин.
