Самарқанд шаҳрида мамлакатимизга расмий ташриф билан келган Италия Республикаси Бош вазири Жоржа Мелонини расмий кутиб олиш маросими бўлди.
Конгресс маркази олдидаги майдонда фахрий қоровул саф тортди.
Ўзбекистон Республикаси Президенти Шавкат Мирзиёев олий мартабали меҳмонни самимий қарши олиб, шоҳсупага таклиф этди.
Ҳарбий оркестр икки давлат мадҳияларини ижро этди. Етакчилар фахрий қоровул сафи олдидан ўтиб, расмий делегациялар аъзоларини қутладилар.
Шундан сўнг олий даражадаги музокаралар бошланди.