Жиззахда она ўғлининг ўрнига алимент тўлади
Ота мажбуриятини бажармасдан, 15 млн қарздор бўлган.
Жиззах вилоятининг Зомин туманида она ўғлининг ўрнига алимент тўлади. Бу ҳақида МИБ ахборот хизмати Zamon.uz'га маълум қилди.
Суд қарорига кўра, С.А. вояга етмаган фарзандининг таъминоти учун собиқ турмуш ўртоғи М.О. фойдасига алимент тўлаши керак бўлган. Бироқ у бу мажбуриятини бажармасдан, натижада 15 миллион сўм қарздор бўлиб қолган.
Мажбурий ижро бюроси Зомин тумани бўлими давлат ижрочиси томонидан кўрилган чоралар натижасида қарздорнинг онаси томонидан 15 миллион сўм алимент пули тўлаб берилган.
“Ўша куни Бюронинг туман бўлимига икки аёл — она ва келин бир вақтда келди: Она ўғлининг қарзини тўлаш учун, келини эса ўғлига алимент пулини олиш учун”, дейилади хабарда.
