Тарихий ғалаба: Жавоҳир Синдаров муддатидан аввал ғалаба қозонди
20 ёшли Синдаров жаҳон чемпиони унвони учун кечадиган баҳсда Доммаражу Гукешга қарши ўйнайди.
Жавоҳир Синдаров Номзодлар турнирида муддатидан олдин ғолибликни қўлга киритди.
Сўнгги — 13-турда ўзбекистонлик гроссмейстер нидерландиялик шахматчи Аниш Гири билан дуранг ўйнади ва мусобақа якунига етмасдан туриб умумий ҳисобда етакчиликни мустаҳкамлади.
Натижага кўра, 20 ёшли Синдаров шахмат тожига расмий даъвогарга айланди ва энди жаҳон чемпионлиги учун кечадиган ҳал қилувчи учрашувда ҳиндистонлик гроссмейстер Доммаражу Гукешга қарши баҳс олиб боради.
Эслатиб ўтамиз, ўтган йили Жавоҳир Синдаров Шахмат бўйича Жаҳон кубоги ғолибига айланган ва шу орқали Номзодлар турнирида иштирок этиш ҳуқуқини қўлга киритган эди.
