Атиги 24 соат ичида Ғазога гуманитар ёрдам етказилмаса, ҳудуддаги вазият бутунлай назорат қилиб бўлмайдиган ҳолга келади. Ёқилғи ва сув таъминоти 24 соат учун етарли холос, ундан кейин ҳақиқий фалокат содир бўлади. Бу ҳақда Жаҳон соғлиқни сақлаш ташкилоти минтақавий раҳбари Аҳмад ал-Мандҳари маълум қилди.
Унинг огоҳлантиришича, агар Ғазога тез орада ёрдам берилмаса, шифокорлар беморлар учун ўлим гувоҳномаларини тайёрлаши кераклигидан огоҳлантирилган. Ҳудуддаги шифохоналар қулаш арафасида. ЖССТ берган хабарга кўра, ёқилғи ва электр қуввати бўлмаса, шифокорлар "имконсиз танлов қилишга" ва "келаётган беморларни саралашга" мажбур бўлишади.
Маҳаллий аҳолининг айтишича, ҳатто ҳожатхонага бориш, душ олиш ва кийим ювиш каби кундалик ишлар ҳам деярли имконсиз. Улар шўр, тозаланмаган муслук сувини ичишга мажбур. Айримлар денгиз яқинида қудуқ қазишга киришган.
Бундан ташқари, Ғазо кўчаларида тўпланган чиқинди инфекция ва касалликлар тарқалишига замин яратмоқда.