Марғилонда уйида 37 кг наркотик сақлаётган шахс ушланди
Шунингдек, у хонадонида 13 туп марихуана етиштириб келаётган бўлган.
29 июнь куни ўтказилган “Қорадори-2024” тадбирида 1971 йилда туғилган, Туягум МФЙда яшовчи А.К.нинг яшаш хонадони холислар иштирокида кўздан кечирилган.
Маълум бўлишича, у хонадонидаги экин майдонида 13 туп марихуана гиёҳванд модда ўсимлигини парваришлаб келган.
Шунингдек, А.К. 10 дона 3 литрли идишда 12 кг 537 гр кўкнори бошоқларини, 2 дона 3 литрли идишда 2 кг 570 гр марихуана моддасини, оқ полиэтилен пакетда эса 41 гр гашиш гиёҳвандлик моддасини ҳамда оқ полиэтилен қопда 22 кг 550 гр кўкнори сомонини сақлаб келаётгани аниқланган.
Жами олинган гиёҳванд моддалар миқдори 37 килограммдан зиёдни ташкил қилди. Ҳозирда мазкур ҳолат юзасидан терговга қадар текширув ҳаракатлари олиб борилмоқда.
