Жаҳон соғлиқни сақлаш ташкилоти (ЖССТ) шошилинч фойдаланишда маймунчечак ташхиси учун биринчи синовни тасдиқлади.
ЖССТнинг аниқлик киритишича, эрта ташхис қўйиш ўз вақтида даволаш ва парвариш қилишни, шунингдек, вирус тарқалишини назорат қилишни таъминлайди.
Синов Abbott Molecular Inc томонидан ишлаб чиқарилган. ЖССТ матбуот баёнотида айтилишича, ундан фойдаланиш касаллик авж олиши сабабли тез ва аниқ тестларга эҳтиёж кескин ошган мамлакатларда диагностика имкониятларини кенгайтириш учун жуда муҳим бўлади. Ташкилот Африкада вирус ҳолатларини текшириш имконияти чекланганлигини қўшимча қилди.
Август ойида ЖССТ маймунчечак эпидемиясини соғлиқни сақлаш учун фавқулодда ҳолат деб эълон қилди. Африка Иттифоқи Касалликларни назорат қилиш марказининг 3 октябрь ҳолатига кўра, йил бошидан буён минтақада вирусдан 866 киши ўлганлиги аниқланган. Инфекция ҳолатлари АҚШ, Испания, Франция, Буюк Британия, Швеция ва Марокашда қайд этилган.