Миразиз Мирзахалиловнинг жангида ишлаган америкалик ҳакам мусобақалардан четлатилди
Токио Олимпиадасида ўзбекистонлик боксчи Миразиз Мирзахалиловнинг жангида ишлаган америкалик ҳакам мусобақалардан четлатилди. Бу ҳақда «SportTV» телеканали директори Зоҳид Каримов маълум қилди.
Токио Олимпиадасида 28 июль куни ўтказилган бокс бўйича эркаклар ўртасида 52-57 килограмм вазн тоифасида ўзбекистонлик Миразиз Мирзахалилов 1/16 финалида ирландиялик Курт Уокерга қарши жанг қилди ва мағлуб бўлди.
Айни дамда Япония пойтахтида бўлиб турган «SportTV» телеканали директори Зоҳид Каримовнинг сўзларига кўра, ушбу жангда ишлаган америкалик ҳакам Б.Кэмпбелл мусобақалардан четлатилган. У биринчи ва иккинчи раундларда ирландиялик боксчининг ғалабасини қайд этган эди.
