Сун Чжуанчи, Хитой ижтимоий фанлар академиясининг Россия, Шарқий Европа ва Марказий Осиё институти директори:
"Ўзбекистон Президентининг нутқи бир нечта жиҳатлари билан алоҳида ажралиб туради.
Биринчидан, ШҲТ фаолиятини такомиллаштиришнинг муҳимлиги қайд этилди, бу ҳақда ўтган йилги Самарқанд саммитида ҳам баёнот берилганди. Хусусан, бугунги кунда юз бераётган жараёнлар ШҲТ институтлари фаолиятини қайта кўриб чиқиш, шунингдек, ташкилот доирасида қарорлар қабул қилишни жадаллаштириш бўйича механизмлар ишлаб чиқишни тақозо этмоқда. Шу маънода, Ўзбекистон Президенти Ш.М.Мирзиёевнинг ташаббуслари моҳиятан Шанхай ташкилотини «жонлантириш»га қаратилган.
Иккинчидан, Ўзбекистон Раҳбари ШҲТ маконида иқтисодий ҳамкорликни мустаҳкамлаш зарурлигини таъкидлади. Янги иқтисодий мулоқот борасидаги ғояларни амалга ошириш, минтақа ичидаги савдо-сотиқ ва саноат-технологик кооперацияни кучайтириш мақсадида умумий майдонни шакллантириш ШҲТга аъзо давлатларнинг янада ривожланиши учун мустаҳкам замин яратади.
Учинчидан, Ўзбекистон Президенти транспорт-транзит боғлиқликни мустаҳкамлаш масаласига яна бир бор эътибор қаратди. Транспорт боғламалар бўйича лойиҳаларни биргаликда рўёбга чиқариш нафақат юк ташувлар ҳажмини бир неча баравар ошириш, балки транспорт харажатларини жиддий камайтириш имконини ҳам беради."