Миясига чип ўрнатилган бемор фикрлаш кучи билан шахмат ўйнади
У бахтсиз ҳодиса туфайли шол бўлиб қолганди.
Бахтсиз ҳодиса сабаб елкасидан пастки қисми шол бўлиб қолган 29 ёшли бемор Ноланд Арбо ноутбукида шахмат ўйнади ва Neuralink қурилмаси ёрдамида курсорни ҳаракатга келтирди.
Ўтган ой Маск ушбу чип компьютер сичқончасини бошқариши мумкинлигини эълон қилганди.
"Жарроҳлик операцияси жуда осон бўлди. Мен бир кундан кейин касалхонадан чиқдим. Менда когнитив бузилишлар йўқ", дейди бемор.
Мия чипи туфайли Neuralink барча электрон қурилмалардан фақат фикрлаш орқали фойдаланишни мақсад қилган. Биринчи босқичда у фақат оёқ-қўлларини ишлата олмайдиган беморларда синовдан ўтказилмоқда.
Neuralink компанияси инсон мияси ва компьютер ўртасида алоқа ўрнатиш орқали неврологик муаммоларга ечим ишлаб чиқаришни мақсад қилган.
