Москва мери Сергей Собянин Россия пойтахтига яқинлашаётган иккита жанговар дрон уриб туширилганини маълум қилди. Улар ҳаво ҳужумидан мудофаа томонидан йўқ қилинган.
Собяниннинг йтишича, дронлар Домодедово ва Минск трассаси яқинида уриб туширилган.
“Шаҳар узра иккита жанговар учувчисиз самолёт учиб ўтишга уринди. Ҳар иккиси ҳам ҳаво мудофааси томонидан йўқ қилинди. Ҳозиргача дронлар ҳақида маълумот йўқ. Фавқулодда хизматлар воқеа жойида ишламоқда”, — деб ёзди у.
Москва аҳолиси маҳаллий соат 3:00 атрофида баланд товушларни эшитганликларини хабар қилишди.
Шунингдек, тармоқда Москвага учувчисиз самолёт ҳужуми пайтида тасвирга олингани айтилаётган видео эълон қилинган.