Наманганда алимент тўлашдан қочиб юрган эркак тунги клубдан топилди
Бу ҳақда МИБ матбуот хизмати хабар берди.
Суд қарорида кўрсатилган мажбуриятни, яъни фарзанди таъминотидан бўйин товлаб, яшириниб юрган юрган Д.И. тунги клубдан топилди. Бу ҳақда МИБ матбуот хизмати хабар берди.
Уни турмуш ўртоғи қармоғида қолган 3 нафар вояга етмаган фарзанди таъминоти ўйлантирмаган. Натижада, қарздорлик салкам 2021 йилнинг мартидан 2024 йилнинг январь ойига қадар 50 миллион сўмдан ортди.
Бюронинг Наманган шаҳар бўлими томонидан унга нисбатан қидирув эълон қилинган эди. Куни кеча ички ишлар органлари ходимлари билан олиб борилган тунги тадбир давомида қарздор ота тунги клубдан топилди. Унга нисбатан маъмурий жазо қўлланилди. Суднинг қарорига асосан у 15 суткалик қамоқни ўтказадиган бўлди.
Умуман олганда, Бюронинг Наманган вилоят бошқармаси қидирув шўбаси инспекторлари томонидан 2023 йилнинг ўзида жами 207 нафар қидирувдаги шахслар топилган.
Олиб борилган профилактик ва тушунтиришлардан сўнг 478 миллион сўм қарздорлик ундирилиши таъминланган.
Ҳозирда эса 114 нафар шахс қидирилмоқда.
