Наманганда Damas 2 ёшли болани уриб юборди
Ҳодиса оқибатда у шифохонада вафот этган.
Наманган вилоятининг Косонсой туманида 20 апрель куни Damas ҳайдовчиси пиёдани уриб юборди. Ҳолат юзасидан вилоят ИИБ ахборот хизмати маълумот берди.
Автоҳалокат соат 14:00 ларда Косонсой тумани «Ровот» МФЙ Ровот кўчаси ички йўлида юз берган. 1966 йилда туғилган фуқаро Damas русумли автомашинасини бошқариб кетаётиб, йўлни кесиб ўтаётган 2021 йилда туғилган болани уриб юборган.
Ҳодиса оқибатида жабрланувчи бош мия ёпиқ шикасти, пешона юз соҳаси шилинган жароҳати билан туман шифохонасига ётқизилган. Кўрсатилган тиббий ёрдамга қарамай бола шифохонада вафот этган.
Ҳозирда мазкур ҳолат бўйича туман ИИБ ҳузуридаги Тергов бошқармаси томонидан Жиноят кодексининг 266-моддаси 1-қисми билан жиноят иши қўзғатилган.
