Наманган вилоятидаги савдо мажмуаларидан бири Мажбурий ижро бюроси томонидан хатланди.
Маълум бўлишича, фуқаро О.Р. томонидан банкдан олинган кредит ўз вақтида қайтарилмаган. Гарчи маблағ ажратилган бўлса-да, қарздор томонидан шартнома талаблари бажарилмаган.
Суднинг ҳал қилув қарорига асосан, Халқ банки фойдасига 935 миллион 805 минг сўм ундириш белгиланган. Қарздорга қарзни ихтиёрий тарзда тўлаш учун белгиланган муддат берилган. Аммо ушбу имкониятдан фойдаланилмаган.
Натижада, қонун доирасида мажбурий ижро ҳаракатлари бошланиб, гаровдаги савдо мажмуаси хатланди.