Наполеоннинг қиличи аукционда сотилди
У салкам 5 млн еврога харид қилинган.
Париждаги аукционда Француз императори Наполеоннинг қиличи қарийб 4,7 млн еврога сотилди. Бу ҳақида маҳаллий нашрлар хабар берди.
Қайд этилишича, қилич дастлаб 700 мингдан 1 млн еврогача баҳоланган.
Бу қилични Наполеон 1802 йилда Франциянинг биринчи консули бўлганида Версал мануфактураси раҳбари Николас-Ноэл Боутетга шахсий фойдаланиш учун буюртма қилган.
Аукцион уйининг таъкидлашича, Наполеон император тахтини эгаллаганидан кейин ҳам бу қуролни ҳукмронлигининг охиригача сақлаб келган. Тахтдан ағдарилгач, у қилични энг яқин шерикларидан бири, маршал Эммануэл де Гроучига топширган. Шамширни аукцион уйига де Гроучининг синглисининг авлодлари ҳадя қилишган.
