“The Times of Israel” нашрининг ёзишича, Исроил бош вазири Бинямин Нетаняҳу мамлакат президенти Исҳоқ Герцогда ўзини афв этиш бўйича расмий мурожаат билан чиққан. Президент аппарати маълумотига кўра, Адлия вазирлигининг афв бўлими барча тегишли идораларнинг фикрларини йиғиб, тавсияларни президентнинг юридик маслахатчисига тақдим этади.
Нетаняҳуғa қарши коррупция бўйича дастлабки тергов 2016 йил декабрда бошланган, 2019 йилда эса у бир нечта жиноят эпизодлари бўйича расмий равишда айбланган. Нетаняҳу эса барча айбловларни қатъиян рад этиб келмоқда. Хабарларга кўра, у миллиардeр ва Голливуд продюсеридан ўз манфаатлари йўлида қимматбахо совғалар олганликда, шунингдек, оммавий ахборот воситалари магнитларига ўзи ва оиласи фаолиятини ижобий ёритиш эвазига ёрдам берганликда гумон қилинмоқда.
Аввалроқ АҚШ президенти Дональд Трамп ҳам Исроил президентине мактуб йўллаб, Нетаняҳу устидан олиб борилаётган коррупция ишини тўхтатиш илтимосини билдиргани ҳақида хабар берилганди.