"Ал-Ҳилол" вингер Неймар билан шартномани бекор қилмоқчи эмас. Манба берган хабарга кўра, Саудия клуби 31 ёшли бразилияликни янги таркиб ҳимоячиси Ренан Лодига жой бўшатиш учун таркибдан чиқариб юборган.
2023 йилнинг октябрида Неймар жароҳат олганди. Шундан сўнг операция қилинди. У мавсум охиригача ўйнамайди.
Неймар 2023 йилнинг августида "ПСЖ"дан "Ал-Ҳилол"га ўтган эди. Трансфер суммаси 90 миллион еврони ташкил этган. Ўйинчининг клуб билан шартномаси 2025 йилнинг ёзига қадар мўлжалланган. Трансфермаркт вингерни 45 миллион еврога баҳоламоқда.