Нигериянинг Ибадан шаҳридаги мактаб ярмаркасида юзага келган тиқилинчда 35 нафар бола ҳалок бўлди. Бу ҳақида Punch нашри хабар берди.
Тадбир ўтказилаётган жойга ҳамма асосий дарвозадан киришга уринган.
Бахтсиз ҳодиса бўйича жиноят иши очган Ойо штати полицияси тадбирнинг асосий ташкилотчиларини ҳибсга олди.
Нигерия президенти Бола Тинубу ҳалок бўлганларнинг оилаларига ҳамдардлик билдириб, штат ҳукуматини оммавий тадбирлар ўтказишда хавфсизлик чораларини кучайтиришга чақирди.