Ўзбекистон, Қозоғистон ва Россия ҳамкорлигида Хўжа Насриддин ҳақида мултфильм суратга олинади
Россиялик кинорежиссёр ва продюсер Тимур Бекмамбетов Ўзбекистон Миллий кинематография агентлиги ва "Казакфильм" киностудияси билан биргаликда анимацион мактаб очишни режалаштирилмоқда.
"Ипак йўли дурдонаси" XIII Тошкент халқаро кинофестивал доирасида ҳар уч томон бу хақда шартнома асосида келишиб олди. Режада айтилишича у кейинчалик тўлақонли студияларга айланиши керак. Унда афсонавий Шарқ қаҳрамони “Хўжа Насриддин саргузаштлари” ҳақида анимацион мультфильм олиш ҳам кўзда тутилган.
"Ўрта Осиё мамлакатлари Хўжа Насриддинни ҳурмат қилишади ва унинг ватани шу ерда деб ишонишади. Биз севимли эртак ва масал қаҳрамони ҳақидаги анимацион фильмни айнан Ўрта Осиёда ишлашимдан хурсандман", — дейди Тимур Бекмамбетов.
Эслатиб ўтамиз, кинофестиваль бош ҳомийси: AGMK, NGMK вa “O‘zbekneftgaz”. Ҳамкор ҳомийлар: “O‘ZBEKTELEKOM”, “O‘zdonmahsulot” AK, “O‘zpromstroybank”ATB, “Ipoteka-bank” ATIB, “Asakabank”AJ, “O‘zbekiston temir yo‘llari”, “Hududgazta’minot”, “UzAuto Motors”AJ, “O‘zmetkombinat” AJ, “Milliy bank”AJ, “Farg’onaazot”AJ, “Eriell”, “Bosch” TM, “Easy Booking”.
Муножат Валиева
