"Ўзбекистон Япония ва Жанубий Корея сингари ривожланиб бораётган кучли жамоа ҳисобланади", — Ирландия U-17 бош мураббийи
U-17 жаҳон чемпионати гуруҳ босқичи 2-туридан ўрин олган ўйинда (2:1) Ирландия бош мураббийи Колин О’Брайен ўз фикрларини билдирди.
U-17 жаҳон чемпионати гуруҳ босқичи 2-турида Ирландия U-17 жамоаси 2:1 ҳисобида Ўзбекистонга қарши ғалаба қозонди. Ўйиндан сўнг Ирландия бош мураббийи Колин О’Брайен қуйидагиларни таъкидлади:
Ғалабадан жудаям хурсандман. Чинakam футбол гувоҳига айландик. Ўзбекистон Осиёда Япония ва Жанубий Корея сингари ривожланиб бораётган кучли жамоа ҳисобланади. Уларнинг ўйинчилари тезкор, хавфли ва қарши ҳужумларда жуда маҳоратли.
Ба’зи пайтларда бизга сабр-тоқат билан ҳимояланишга тўғри келди. Битта гол ўтказиб юбордик, аммо эътиборимизни йўқотмадик, ўйинни назоратга ола бошладик. Улкан лаҳзалар, етук ўйинчилар, қадр-қимматли голлар – барчаси жойида эди.
Ҳисобда орқада қолганимиздан сўнг ҳеч қандай ваҳима бўлмади, футболчилар режага содиқ қолди. Чап қанотдан ҳужум уюштириш имконимиз борлигини ҳис қилдик. Гради томонидан ўз вақтида олдинга юриш амалга оширилди ва шу орқали ҳисобни тенглаштирдик.
Бундай лаҳзадан завқланиш муҳим. Гуруҳдаги якуний ўринлар ҳали ҳал бўлганича йўқ. Ҳаддан ташқари хурсандчиликка берилмаймиз – шунчаки Парагвайга қарши ўйинга жиддий тайёргарликни давом эттирамиз, деди 50 ёшли мутахассис.
