Ёшлар ўртасидаги (U21) футбол бўйича Ўзбекистон чемпионатининг «Қизилқум» (Навоий) ва «Металлург» (Бекобод) жамоалари ўртасидаги учрашув пайтида майдонга вертолёт қўнди. Бу ҳақда Бекобод жамоаси матбуот хизмати хабар берди.
Учрашув Навоий вилоятидаги стадионда бўлиб ўтаётган вақтда «Ўзбекистон ҳаво йўллари» миллий авиакомпаниясининг вертолёти дарвоза яқинига келиб қўнган. Натижада футболчилар учрашувни тўхтатишга мажбур бўлишган.
Ҳозирча вертолёт нима сабабдан футбол майдонига қўнгани маълум эмас.