Ўзбекистон Республикаси Адлия вазирлиги маълум қилишича, коррупцияга оид жиноятлар ҳақида хабар берган шахсларга эндиликда ҳимоя ордени берилади. Ушбу тартиб президент фармони асосида 2026 йил 1 июлдан бошлаб жорий этилади.
Шунингдек, коррупцияга қарши курашга ҳисса қўшган шахсларни рағбатлантириш мақсадида “Коррупцияга қарши курашга қўшган ҳиссаси учун” кўкрак нишони таъсис этилмоқда.
Фармонга мувофиқ, Рақамли мувофиқлик ахборот ва дастурий таъминот тўплами синов режимида ишга туширилади. У қуйидаги имкониятларни тақдим этади:
- Коррупцияга қарши кураш кластери иштирокчилари ўртасида тезкор маълумот алмашинуви;
- E-Komplaens модули орқали ички коррупцияга қарши назорат бўлинмалари фаолиятини рақамлаштириш;
- Давлат органлари ва ташкилотларга қонун бузилиши ҳолатларини олдини олиш ва уларни бартараф этиш бўйича мажбурий кўрсатмалар ва таклифлар тизимини жорий этиш.
Фармонга мувофиқ, коррупцияга оид ҳуқуқбузарликлар ҳақида хабар берган шахслар меҳнат қонунчилиги доирасида таъқиб ва ҳар қандай ноҳақликлардан ҳимояланади.
Ушбу чора-тадбирлар Ўзбекистонда коррупцияга қарши курашни кучайтириш, шаффофликни ошириш ва жамиятда адолатли муҳитни таъминлашга қаратилган.