Ўзбекистон олтин-валюта захиралари 2025 йил 1 декабрь ҳолатига кўра 61,23 млрд долларга етди. Бу ҳақда Марказий банк эълон қилган маълумотларда қайд этилди. Фақат ноябрь ойининг ўзида захиралар 1,9 млрд долларга ёки 3,2 фоизга ошган, йил бошидан бери эса ўсиш 20 млрд долларни (+48,7%) ташкил қилган.
Захиралардаги сезиларли ўсиш, аввало, халқаро бозорларида олтин нархи ва унинг физик ҳажмининг ортиши билан боғлиқ. Шунингдек, Марказий банк портфелидаги қимматли қоғозлар қиймати ҳам кескин кўтарилган — ноябрда улар 503 млн долларга ошиб, 1,52 млрд долларга етган.
Спот нашрининг аниқлик киритишича, регулятор ушбу ўсиш доирасида АҚШ Ғазначилиги облигацияларини харид қилган.