Кўпчилик тармоқларда бу ҳодисага қор деб таъриф бермоқда.
Бироқ “Қамчиқавтойўл” ҳолатни қуйидагича таърифлади:
“Икки тоннель оралиғида дўл ёғди. Қор ёғиш ҳолати кузатилмади”.
Иқлимшунос Эркин Абдулаҳатов эса довонда ҳаво ҳарорати +10 даража илиқ бўлгани, бундай ҳаво ҳароратида қор ёғмаслигига эътибор қаратган.
ЙҲХББ айни вақтда "Қамчиқ" довонидаги икки туннел оралиғида ёғингарчилик тўхтагани, йўллар ҳолати яхшилиги ва транспорт воситаларининг ҳаракати давом этаётганини маълум қилди.