Пойтахтда автобуслар учун ажратилган йўлакларга енгил машиналар қўйиб кетилмоқда
Ҳолат юзасидан Тошкент Транспорт бош бошқармаси расмий маълумот берди.
Telegram каналларнинг бирига жамоат транспортлари юриши учун белгиланган йўлакларга енгил автомобиль ҳайдовчилари машинасини қўйиб кетаётгани акс этган фотосуратлар жойланди. Тошкент Транспорт бош бошқармаси ҳолат юзасидан расмий маълумот берди.
Қайд этилишича, 18 январь куни Spark ҳайдовчиси йўналишли транспортлар ҳаракати учун алоҳида ажратилган тасмада қоидани бузган ҳолда автоуловини қолдириб кетган. Ушбу ҳайдовчи қоидани бузгани учун Маъмурий жавобгарлик тўғрисидаги Кодекснинг 128-моддасига кўра, яъни “Ҳайдовчиларнинг йўл белгилари ёки йўлнинг қатнов қисмидаги чизиқлар билан белгилаб қўйилган талабларга риоя этмаслиги, йўналишли транспорт воситалари тўхтайдиган бекатлардан юриш қоидаларини бузиши” бўйича маъмурий баённома тузилган.
Эслатиб ўтамиз, декабрь ойидан Тошкентда 475 км.га яқин 34 та алоҳида автобус йўлакчалари ташкил этилди.
