Ижтимоий ҳимоя миллий агентлиги директорининг биринчи ўринбосари Шаҳноза Мирзиёева 11 октябрь куни йўқолиб қолган мушугини топишда жамоатчиликдан ёрдам сўради.
У ўзининг ижтимоий тармоқдаги мурожаатида мазкур мушук оила учун, айниқса, кичик қизи Рания учун жуда қадрли эканини таъкидлади. “Бу мушук бизнинг оила аъзомиздек бўлиб қолган. Фарзандларим билан бирга улғайди. Биз барча атрофни кўздан кечирдик, эълонлар илиндик, аммо ҳозирча натижа йўқ. Уни топиш учун ҳар қандай ёрдамни қадрлаймиз”, — деб ёзди у.
Маълум қилинишича, мушук Тошкент шаҳрининг Қорасув-1 маҳалласи, “Луначарский” ҳудудида йўқолган бўлиб, ҳозирда оила уни излашни давом эттирмоқда.
Шаҳноза Мирзиёева мушукнинг топилишига оид ҳар қандай маълумотни етказганларга миннатдорлик билдирган ва жамоатчиликдан ёрдам сўраган.