“Путин билан юзма-юз учрашишга тайёрман”
Зеленский Оқ уйдаги музокаралардан сўнг брифинг ўтказди.
Украина Президенти Владимир Зеленский урушни тугатиш учун Россия раҳбари Владимир Путин билан юзма-юз учрашишга тайёрлигини билдирди. Бу ҳақида у Оқ уйда бўлиб ўтган музокаралардан сўнг бирифингда маълум қилди.
Унинг сўзларига кўра, агар бу учрашув муваффақиятли ўтадиган бўлса, президент Трамп ҳам музокараларга қўшилиши мумкин.
“Путиннинг мен билан учрашувга рози бўлиши номаълум, бунинг учун Қўшма Штатларнинг босими зарур. Чунки Кремл бу борада ноаниқ баёнотлар бериб, фақат музокаралар даражасини “кўтариш нияти” ҳақида хабар бермоқда”, деган Украина етакчиси.
Украинага хавфсизлик кафолатлари бўйича тафсилотлар ўн кун ичида ишлаб чиқилади. Жумладан, Киев бу доирада мамлакат иқтисодиётини қўллаб-қувватлаш учун молиявий ёрдам олмоқчи.
“Ҳудудлар масаласи бу мен билан Путин ўртасида муҳокама қилинадиган масала”, дейди Зеленский.
