Путин ҳақида иккита китоб ёзган немис журналисти Россия агенти бўлиб чиқди
Хуберт Зайпел китоби учун Россиядан ҳақ олгани аниқланди.
Paper Trail Media, Der Spiegel, ZDF ва "Important Stories" тадқиқотига кўра, немис журналисти Хуберт Зайпел россиялик олигархдан йиллар давомида пул олган.
Владимир Путин ҳақидаги ҳужжатли филм ва иккита китоб муаллифи россиялик олигарх Алексей Мордашовга яқин компаниялар билан яширин молиявий келишувларга алоқадор бўлгани хабар қилинган.
Журналистлар Кипр ҳуқуқий ҳужжатларининг сизиб чиқишини таҳлил қилиб, 2018 йилда Зайпел “Путин ҳокимияти. Европага Россия нима учун керак?” китобини яратиш ва оммалаштириш учун 600 минг еврога “ҳомийлик шартномаси” имзолаганини аниқлади.
Зайпел, ҳужжатларга кўра, ундан олдинги китоби "Путин. Ҳокимият мантиғи " китоби учун ҳам Россиядан ҳақ олган.
