Қирғизистон Тожикистондан чегарадаги вазиятни кескинлаштирмасликни талаб қилди
Қирғизистон томони отишмаларни “режалаштирилган босқинчилик” деб баҳоламоқда.
Қирғизистон Ташқи ишлар вазирлиги чегарада содир бўлган воқеаларни Тожикистон томонидан олдиндан режалаштирилган қуролли босқинчилик ҳаракати деб атади. Бу ҳақда “Спутник” нашри ёзмоқда.
Вазирликка кўра, чегарадаги босқин Қирғизистон ҳудудида бошланган ва тожик ҳарбийлари содир этган жиноятларни тасдиқловчи барча далиллар мавжуд.
“Тожикистон томоннинг ҳаракатлари йирик давлатлараро можаронинг бошланишига ва бутун Марказий Осиё минтақасида вазиятнинг беқарорлашишига олиб келиши мумкин”, — дейилади баёнотда.
Шу билан бирга, Қирғизистон ТИВ баҳсли масалаларни фақат тинч йўл билан ва музокаралар столида ҳал қилиш зарурлигини таъкидлаган.
