2022 йилги Канн кинофестивалида Россиянинг расмий делегацияси иштирок этмайдиган бўлди.
Бунга фестиваль ташкилотларининг Кремл билан бевосита алоқадор бўлган расмий делегацияни қабул қилишдан бош тортгани сабаб бўлган. Улар фестивалда Россия ҳукумати билан боғлиқ бўлган делегацияларнинг иштирокига йўл қўймасликларини маълум қилишган.
Фестивалда россиялик кинематографларнинг мустақил ижодкор сифатида иштирок этишлари имконияти сақлаб қолинади.
"Дунё жиддий инқирозга дуч келгани ва Европанинг бир қисми уруш ҳолатида бўлгани туфайли Канн кинофестивали Украина халқини тўлиқ қўллаб-қувватлашини билдиради”, — дейилади расмий баёнотда.
Маълумот учун: биринчи бўлиб, "Walt Disney Company" филмларнинг Россияга етказиб берилиши тўхтатилганини эълон қилган. Унинг ортидан "Sony Pictures” ҳам айнан шундай баёнот билан чиққан.
