Сант-Петербургнинг Красногвардейский туманидаги қурилиш майдончасида уч киши вафот этган. Санткт-Петербург прокуратураси уларнинг ўлими сабабларини аниқлаган. Қайд этилишича, воқеа 27 октябрь куни соат 15:00 атрофида Шафировский проспиктида крематорй яқинида содир бўлган.
Мазкур ҳудудда экскаватор ёрдамида узунлиги 20 метр ва чуқурлиги тўрт метр бўлган дренаж қувурлари учун хандақ ётқизилган. Сўнг, уч нафар ишчи қолган ишни қўлда бажаришда давом этган. Шу вақтда хандақнинг бир томон девори қулаган ва ишчилар тупроқ остида қолиб кетган.
Қутқарувчилар воқеа жойига етиб келгунга қадар, ишчиларнинг жасади тупроқ остидан олиб чиқилган. Маълумот берилишича, ҳалок бўлган ўзбекистонликларнинг бири 33, бири 43 ёшда бўлган. Учинчи ишчининг эса ёши аниқланмоқда.
Ҳозирда Красногвардейский тумани прокуратураси ишчиларнинг ўлими юзасидан тергов ишларини олиб бормоқда.