Россиянинг санкциядан зарар кўрган ҳамкорларига компенсация берилади
“Марказий Осиёда яшовчи халқлар ҳаётини яхшилаш учун қўлимиздан келган барча ишни қиламиз”, — деди АҚШ давлат котиби.
Россиянинг ҳамкор давлатлари Россияга қарши санкциялардан кўрган йўқотишлар учун компенсация олади. Бу ҳақда АҚШ давлат котиби Энтони Блинкен Остонада бўлиб ўтган С5+1 форматидаги вазирлар учрашувида айтиб ўтди.
Қўшма Штатлар Россиянинг ҳамкор мамлакатларига санкциялар туфайли кўрган йўқотишларни қоплайди. Минтақадаги барча давлатлар у ёки бу тарзда Россия билан савдо алоқаларига боғлиқ бўлганлиги сабабли Россия Федерациясига киритилган санкциялар уларнинг иқтисодиётига ҳам зарба берган.
“Биз санкцияларга риоя этилишини диққат билан кузатиб борамиз ва бир қатор давлатлар, жумладан, C5 бўйича ҳамкорларимизга нисбатан бўлаётган иқтисодий салбий таъсирларини муҳокама қиламиз”, — деди у.
Вашингтон компанияларга санкцияга учраган Россия фирмалари билан муносабатларни тўхтатиш учун вақт бериш учун лицензиялар беряпти.
“Биз тушунамизки, бу кўп вақт талаб қиладиган жараён, уни дарҳол амалга ошириб бўлмайди. Биз минтақани мустаҳкамлаш ва Марказий Осиёда яшовчи халқлар ҳаётини яхшилаш учун қўлимиздан келган барча ишни қиламиз. Жумладан, янги савдо йўллари ёрдамида ва корхоналарга янги экспорт бозорларини топишда ёрдам бериш орқали”, — деди Блинкен матбуот анжуманида.
