Самарқанд аэропорти техник сабабларга кўра 8 ноябрь соат 00:01 дан 12 ноябрь 00:01 га қадар парвозлар учун ёпилади.
11 ноябрь куни Самарқандда Туркий давлатлар ташкилотининг саммити бўлиб ўтади. Ташкилотга аъзо мамлакатлар давлат ва ҳукумат раҳбарларининг учрашуви арафасида иқтисодиёт ва ташқи ишлар вазирларининг учрашувлари бўлиб ўтади.
Ташкилотга Озарбайжон, Қозоғистон, Қирғизистон, Туркия ва Ўзбекистон аъзо. Венгрия ва Туркманистон кузатувчи мақомига эга.
Эслатиб ўтамиз, Самарқанд аэропорти шаҳарда Шанхай ҳамкорлик ташкилоти саммити ўтказилиши муносабати билан 14-16 сентябрь кунлари тижорат йўловчи ва юк қатновлари учун ёпилган эди.