Самарқанд вилояти ИИБ ахборот хизмати хабар беришича, Nexia-3 ва Spark ўртасида содир бўлган йўл-транспорт ҳодисаси оқибатида уч киши ҳалок бўлди.
Қайд этилишича, ЙТҲ 4 январь куни соат 20:00 ларда 4Р-43 Маржонбулоқ — Зармитан — Қўшработ автомобиль йўлининг Қўшработ туманидан ўтган 99-километрида содир бўлган. Nexia-3 ҳайдовчиси машинани катта тезликда бошқариб, йўлнинг қия бурилиш жойида қарама-қарши йўналишга чиқиб кетган ва рўпарадан келаётган Spark билан тўқнашган.
Ҳодиса оқибатида Spark ҳайдовчиси ва йўловчиси ҳамда Nexia-3 ҳайдовчиси оғир тан жароҳатлари олиб воқеа жойида вафот этган.