Самарқандда қизлар йигит талашиб жанжаллашди
Ҳолат юзасидан расмий муносабат билдирилди.
Ижтимоий тармоқларда Самарқандда ўқувчи-қизларнинг жанжаллашгани акс этган видео тарқалиб, кенг муҳокамаларга сабаб бўлди. Ҳолат юзасидан вилоят Мактабгача ва мактаб таълими бошқармаси ўрганишлар олиб бориб, расмий муносабат билдирди.
Маълум қилинишича, видеодаги жабрланувчи ўқувчи Иштихон туманидаги 15-умумтаълим мактабининг 7-синфида, зўравон ўқувчи-қиз эса шу тумандаги 74-умумтаълим мактабининг 10-синфида таҳсил олаётганлиги аниқланган.
Мазкур ҳолат юзасидан ҳар иккала ўқувчи билан мактаб амалиётчи психологлари, маҳалла хотин-қизлар фаоли ва мактабларга бириктирилган инспектор-психологлар томонидан профилактик суҳбатлар ўтказилган.
Шунингдек, ҳолат туман ИИБ томонидан назоратга олиниб, зўравон ўқувчи қизнинг ота-онасига нисбатан МЖтКнинг 47- моддаси, биринчи қисми билан маъмурий баённома расмийлаштирилган.
