Россия иқтисодиёти бу йил 15 фоизга, 2023 йилда эса 3 фоизга қисқаради ва 15 йиллик иқтисодий ўсиш ортга қайтади. Бу ҳақда “Reuters” нашри мутахассислар прогнозини эълон қилди.
Қайд этилишича, бундай оқибатлар Россияга Ғарб санкциялари таъсири, йирик компанияларнинг мамлакатдан чиқиб кетиши ва экспортнинг қулаши натижасида юзага келади.
Агар Европа Россиядан энергия ресурсларини импорт қилишдан бутунлай воз кечса, у ҳолда иқтисодий таназзул анча сезиларли бўлади.
Жаҳон иқтисодий экспертлари яқин ойларда Россияга қарши санкциялар кенгайтирилиши ва кучайтирилишига ишонч билдирмоқда.
Эслатиб ўтамиз, бундан олдин Россия Федерацияси Марказий банки санкцияларнинг тўлиқ таъсири ҳали олдинда эканлигини маълум қилганди.