Шавкат Мирзиёев: Мен учун бундан улуғ бахт, бундан буюк шараф ва масъулият йўқ ва бўлиши ҳам мумкин эмас
Тошкент шаҳрида Тадбиркорлар ва ишбилармонлар ҳаракати - Ўзбекистон Либерал-демократик партиясининг қурултойи бўлиб ўтмоқда. Унда Президент Шавкат Мирзиёев ўз сайловолди дастури – Янги Ўзбекистон стратегиясининг асосий йўналишлари бўйича маъруза қилмоқда.
Халқ ишончи қандай буюк қудрат ва илҳом манбаи эканини, ўтган йиллар давомида барчамиз чин юракдан ҳис этиб келмоқдамиз.
Айнан ана шу ишонч энг қийин дамларда бизга умид ва мадад берди, вужудимизга – куч, руҳимизга қанот бағишлади.
Бизга тоғдек таянч бўлиб турган мўътабар нуронийларимиз, меҳрибон оналар, азамат ака-укаларимиз, оқила опа-сингилларимиз, навқирон авлодимизга таяниб, танлаган йўлимиздан дадил илгари бормоқдамиз.
Ана шу юксак ишончга муносиб бўлиш, халқимиз, Ватанимиз манфаатлари ҳамда унинг бахт-саодати йўлида, бор куч-ғайратим, билим ва салоҳиятимни сафарбар этиш мен учун ҳамиша ҳаётимнинг маъно-мазмуни бўлиб келган ва бундан кейин ҳам шундай бўлиб қолади.
Мен учун бундан улуғ бахт, бундан буюк шараф ва масъулият йўқ ва бўлиши ҳам мумкин эмас, деди давлат раҳбари.
Аввалроқ Тошкент шаҳрида жамоат транспорти тизими тубдан қайта кўриб чиқилиб, 3 минг километр ички йўллар янгиланиши, 10 та замонавий кўприк қурилиши ҳақида хабар берилганди.
