Шерзод Шерматовга маслаҳатчи тайинланди
Камола Собирова Ўзбeкистон Рeспубликаси ахборот тeхнологиялари ва коммуникацияларини ривожлантириш вазирининг маслаҳатчиси лавозимига тайинланди.
У АКТ вазирлигида ёшлар ва аёлларни IT соҳасига жалб қилиш ҳамда Ўзбекистонни Минтақавий IT-марказига айлантириш юзасидан тарғибот ишларини амалга ошириш бўйича фаолият олиб боради.
Камола Шавкатовна Собирова (Раҳмонова) 1983 йил 13 июнда Тошкент шаҳрида туғилган.
Фаолиятини 2001 йили Ўзбекистон миллий телерадиокомпаниясининг "Ёшлар" каналида таржимонликдан бошлаб, турли халқаро ва маҳаллий ташкилотларда масъул вазифаларда давом эттирган.
У рус, инглиз ва испан тилларини билади. Меҳнат фаолияти давомида бир қатор хотин-қизлар масалаларига оид ижтимоий лойиҳаларга раҳбарлик қилган.
Қолаверса, Камола Собирова мамлакатимизнинг зиёли сулола вакиласи. У ўзбек шеъриятининг тараққиётига улкан ҳисса қўшган буюк шоиримиз Шавкат Раҳмоннинг фарзандидир. Оилали. 4 нафар фарзанди бор.
Маълумот учун, вазирликнинг Жамоатчилик ва оммавий ахборот воситалари билан алоқалар бўлими бошлиғи – Матбуот котиби Шерзод Ахматов ўз лавозимида фаолиятини давом эттиради.
